Vetëm mbrëmjen e djeshme u njoftua se Manchester United dhe Cristiano Ronaldo kanë ndërprerë kontratën mes tyre, ndërsa ditën e sotme një tjetër lajm befasues vjen nga djajtë. United është në shitje, dhe lajmin e ka bërë të ditur vetë klubi anglez nëpërmjet një komunikate për shtyp. “Manchester United është duke inicuar një proces për të eksploruar alternativat strategjike për klubin. Si pjesë e këtij procesi, Bordi do të marrë në konsideratë të gjitha alternativat strategjike, duke përfshirë investimet e reja në klub, një shitje ose transaksion tjetër që përfshin Kompaninë”, thuhet në deklaratën e United. Vlera e Manchester Unitedin, që është një nga klubet më të njohura dhe më të dashura në botë, arrin rreth 5 miliardë dollarë.

Club statement on a process to explore strategic options for Manchester United.#MUFC

— Manchester United (@ManUtd) November 22, 2022