Tirana vazhdon të kryesojë tabelën e klasifikimit me 25 pikë, 2 më hsumë se rivbali i tyre i përjetshëm, Partizani. Jemi në fund të vitit dhe si gjithmonë merkatoja e janarit shërben që klubet mund të bëjnë hyrje-dalje, në mënyrë që të përforcojnë ekipin.
Por siç duket kampionët mund të humbasin “muskujt” e skuadrës që në merkaton e dimrit, pasi lojtarë të rëndësishëm nuk pranojnë stolin e rezervave. Pikërisht kjo është aryesja që mesfushori Vesel Limaj, i cili në sezonin e kaluar ishte “truri” i bardhebluve, dëshiron të largohet nga Tirana. Fati i keq e ka përndjekur lojtarin, i cili përveç dëmtimeve ka vuajtur edhe lënien në stol në këto 13 javë kampionat. Nëse në drejtim të lojtarit nuk vjen asnjë ofertë gjatë janarit, atëherë ish-futbollisti i Kukësit do të largohet “free” në qershor.
Në një situatë të njëjtë është edhe mbrojtësi Realf Zhivanaj, i cili që kur është pjesë e kryeqytetasve më shumë ka “ngrohur” stolin se sa është aktivizuar, duke mos qenë kështu një preferencë e Orges Shehit në formacionin bazë të skuadrës. 24-vjeçari ëhst ëi pakënaqur me minutat në dispozicion dhe në janar pritet të bëjë “divorcin” me bardheblutë, për të kërkuar një ekip tjetër ku i premtohen më shumë hapësira.
Lexo gjithashtu
