Egnantia ka bërë goditjen e radhës pasi ka firmosur së fundmi me dy futbollistë nga Nigeria. Newsport.al mëson se bëhet fjalë për Christian Ezike, i cili luan si qendërsulmues. Ai ka lindur në 30 korrik të vitit 1999 dhe është i gjatë 1.9 metra.
Lojtari i dytë që pritet të prezantohet sot te skuadra e Egnantias së bashku me Ezike është një mbrojtës i majtë. Bëhet fjalë për Christian Nwosu i cili ka lindur në 18 gusht të vitit 1998.
Dy futbollistët më të rinj të Egnantias janë afruar si vazhdim i projektit ambicioz që ka nisur klubi i Kategorisë së Parë. Egnantia është duke punuar seriozisht me një projekt madhor, pasi ka krijuar një market transfertash si brenda ashtu dhe jashtë vendit.
Duhet thënë se ecuria e ekipit në kampionat ka ardhur si pasojë e afrimeve cilësore të lojtarëve nigerianë në skuadër. Mund të përmendim këtu Kingsley, i cili është një ndër golashënuesit më të mirë, Henry i cili luan si mesfushor qendre që ka dhënë shumë asiste, duke mos harruar dhe mesfushorin tjetër të majtë, Anthony që ka bërë një performancë të shkëlqyer në takimet e fundit më kampionat. /NEWSPORT.AL/
[gallery columns="1" size="full" ids="209292,209293"]
Lexo gjithashtu
