Në një prononcim për median e klubit, trajneri i Partizanit Zoran Zekic, komentoi shortin me BATE Borisov në turin e parë kualifikues në Champions League. Tekniku kroat i vë peshë faktit se të kuqtë duhet të plotësohen sa më shpejtë pasi na nevojë të përforcohet organika dhe koha nuk premton shumë. Ndër të tjera ai i bën thirrje tifozëve të mbështesin skuadrën e tyre pasi në këtë mnyrë do mund t’ja dalin.
Si e konsideroni shortin?
Nuk kemi shumë zgjedhje , vetem duhet te presim. Duhet të kemi eksperiencë dhe më shumë kohe. Do te luajme 2 ndeshje ne Champions League. Kemi vetem 20 ditë kohë për ta përgatitur këtë ndeshje. Tani do të fillojmë të mbledhim informacionin e nevojshëm për kundërshtarin .
E dimë, është një skuadër e mirë. Aktualisht ata janë në aktivitet pasi po luajnë në kampionat. Duhet të jemi të zgjuar, të kemi disiplinë dhe punë. Të kemi mbështetjen e tifozërise dhe të marrim energjinë e tyre për të bërë më të mirën e mundshme.
Ndeshja e parë do të luhet në shtëpi. Sa janë shanset për kualifikim?
Sigurisht që duhet të mendojmë për ndeshjen e parë, por do të luajme dy te tilla. Duhet të jemi vigjilent dhe të kemi përqëndrimin e duhur. Shpresoj të jemi në formën e duhur. Jemi duke pritur edhe lojtaret qe janë të impenjuar në ekipet Kombëtare. Unë shpresoj që ata të na bashkohen sa më shpejt në fazën përgatitore këtu në Pogradec.
A do të kishit preferuar një tjetër kundërshtarë nga ky short?
Çfarë mund të them, nuk kishim zgjedhje për të menduar kundërshtarët. Çdo skuadër në këtë moment duhet të jetë e përgatitur dhe të jap gjithçka. Do të luajmë në Elbasan dhe jam i bindur që tifozët do të na mbështesin sikurse erdhën edhe në ndeshjen ndaj Sheriff Tirasspol kur u përballëm atëherë me Partizanin. Të bëjmë më të mirën të gjithë së bashku.
Lexo gjithashtu
