Kombëtarja e Ganës ka marrë një goditje të rëndësishme para nisjes së Kupës së Botës 2026, pasi mesfushori Thomas Partey nuk është lejuar të hyjë në Kanada dhe do të mungojë në ndeshjen e parë ndaj Panamasë.
Futbollisti 32-vjeçar ndodhet aktualisht në Boston me ekipin kombëtar, por kërkesa e tij për vizë është refuzuar nga autoritetet kanadeze.
FIFA sqaroi se nuk ka kompetenca mbi procedurat e emigracionit të vendeve organizatore, duke theksuar se vendimet për hyrjen e individëve në territorin e një shteti merren vetëm nga autoritetet kombëtare. Deri tani, Kanadaja nuk ka dhënë një shpjegim zyrtar për rastin e Parteyt.
Mesfushori i Villarrealit aktualisht përballet me shtatë akuza për përdhunim dhe një akuzë për sulm seksual, të cilat ai i ka mohuar vazhdimisht, duke u deklaruar i pafajshëm.
Ndërkohë, autoritetet amerikane i kanë dhënë vizë hyrjeje, çka do t’i mundësojë të jetë i disponueshëm për ndeshjet e tjera të Ganës në grup kundër Anglisë dhe Kroacisë, nëse situata mbetet e pandryshuar.
Lexo gjithashtu
