Ismet Munishi nuk do të jetë më analist në emisionin ‘Dueli Sportiv’ që transmetohet në RTV Dukagjini. ‘Shkarkimin’ e Munishit e ka konfirmuar vetë autori dhe moderatori i emisionit, Ndrec Gjonaj.
“Të dielën do të jetë emisioni i fundit i Ismet Munishit në Dueli Sportiv. Analisti i ri i Dueli Sportiv do të prezanohet gjatë javës tjetër dhe do të jetë një risi interesante”, është shprehur moderatori, Ndrec Gjonaj.
Kujtojmë që Ismet Munishi u largua nga Ferizaji disa ditë më parë për shkak të rezultateve të dobëta. Tashmë janë 12 shkarkime në ‘librin’ e karrierës së Ismet Munishit. Me këtë të fundit që pas 'shkarkimit' të radhës nuk ka arritur të 'gëzojë’ humbjen e Ilir Dajës përballë Astanës, duke ditur ‘urrejtjen’ dhe mllefin që Munishi ka ndaj teknikut të Ballkanit.
Lexo gjithashtu
