Italia do të luajë nesër në orën 21:00 finalen e madhe të EURO 2020 ndaj Anglisë. Takimi do të luhet në stadiumin e "Ëembley" dhe sot në konferencën për shtyp ka folur edhe trajneri i Italisë, Roberto Mancini. Numri një i stolit italian u shpreh se Anglia nuk është rastësisht në finale, ndërsa theksoi se shpreson të fitojë këtë trofe si trajner pasi lojtari nuk arriti ta bënte një gjë të tillë.
"Do të jetë një ndeshje shumë e vështirë, por ne do të duhet të përqendrohemi në lojën tonë. Unë nuk jam i mërzitur, ndoshta do të jem pak më shumë nesër, është një finale ... Anglia është një ekip i shkëlqyeshëm, dhe nëse ajo arrin në finale do të ketë një arsye. Por ne shpresojmë t'i dëgjojmë tifozët tanë në fund të ndeshjes duke festuar!
Spanja ishte më mirë sepse ata e mbajtën topin dhe na kufizuan. Por ne nuk do ta ndryshojmë identitetin tonë, madje as kundër Anglisë. Kjo finale është një nga momentet më të rëndësishme. Unë pata shansin të luaja për ekipin kombëtar, por nuk kam fituar me U21 dhe as Kupën e Botës me Kombëtaren e madhe. Do të jetë një moment i rëndësishëm për mua, ne do të përfaqësojmë një vend të tërë. Shpresoj të marr nesër atë që nuk kam marrë si lojtar", u shpreh Mancini.
Lexo gjithashtu
