Tirana u mposht 3-1 nga Besiktas në ndeshjen e parë të raundit të dytë në Conference League. Bardheblutë zhvilluan një paraqitj të kënaqshme ndaj një kundërshtari shumë më të fortë në letër dhe fushë. Goli i Kainas në debutim rihapi ndeshjen, por pak para fundit të sfidës, Besiktas do të shënonte të 3-tin që do të linte një shije të keqe për kryeqytetasit.
SofaScore ka zbardhur edhe notat e lojtarëve në këtë sfidë dhe për Tiranën, notën më të mirë e ka marrë Kaina Nunes, 7.1 dhe Rimal Haxhiu, 7.0. Dyshja u fut në pjesën e dytë dhe impakti i tyre u vu re mirë teksa ishin protagonistët e golit të vetëm, braziliani shënues, anësori asistues.
Nota më e ulët është për Ardit Hilën, 6.1, i cili hasi vështirësi në disa duele me mesfushorët kundërshtar. Treshja e sulmit tek të cilët Tirana var shpresat, Latifi, Abazaj, Hasani nuk ishin në nivelin e duhur duke u vlerësuar me notën 6.3
Ndeshje mesatare zhvilluan Hoxhallari, Najdovski, Selmani, Lushkja dhe Përgjoni.
[caption id="attachment_701712" align="alignnone" width="661"]
Besiktas - Tirana, Notat, ©Credits sofascore.com[/caption]
Lexo gjithashtu
