Në Air Albania, Shqipëria dhe Italia dhuruan spektakël nga minuta e parë deri tek e fundit. Një ndeshje “derbi” e cila pa disa nga yjet e Serie A të përballen me njëri-tjetrin. Me ndeshjen e përfunduar në favor të italianëve me rezultatin 1-3, edhe notat e lojtarëve nuk kishin si të “flisnin” ndryshe përpos drejt italianëve. Megjithatë, nga kuqezinjtë, vetëm tre “ngelin” në klasë.
Lojtari i ndeshjes, pa më të voglin dyshim, është Vicenzo Grifo me notën 9.3, i cili ishte protagonist absolut me 2 gola dhe 1 asist. Nëse Grifo është lojtari i ndeshjes atëherë kjo tregon se markuesi i tij në fushë bëri një punë të dobët dhe kështu Hysaj merr notën më të ulët me 6.1. Pas Hysajt, me 6.2 vijnë Berisha, Bare dhe Broja duke bërë që krahu i djathë të mos funksionoi sic duhet.
Autori i golit të vetëm për kuqeznjtë, Ardian Ismajli vazdhon sërish me performanca fantastike edhe në kombëtare teksa ka marrë notën 7.3 si më i miri për Shqipërinë. Performanca pozitive edhe nga stoli teksa Skuka u vlerësua me notën 7.0 pas impaktit që pati sapo hyri në fushë.
Lexo gjithashtu
