Sylvinho nuk ka ndërmend të ndalet. Timonieri i kuqezinjve ka piketuar dy lojtarë të tjerë për t’i afrua në radhët e kombëtares. Mirlind Daku dhe Arbnor Muja nuk do të jenë të vetmit, pasi për dy sfidat e muajit tetor braziliani ka bërë gati dy ftesa të tjera për dy risi.
Për sfidat me Çekinë që është e vlefshme për kualifikueset e Euro 2024 dhe për miqësoren me Bullgarinë, Sylvinho mësohet se do të shtojë akoma më shumë konkurencën në repartin e sulmit. Dy të piketuarit e brazilianit janë Marvin Çuni dhe Arbnor Muçolli.
I pari luan me Frozinonen në Itali, ku ka arritur të jetë menjëherë protagonist dhe ka rënë në syrin e timonierit të kombëtares. Në fakt Sylvinho e kisht e lënë në listën e pritjes dhe duket se tashmë ka ardhur momenti që të veshë fanelën e kuqezinjve. Në të kaluarën 22-vjeçari ka luajtur për Shqipërinë U-19 në 6 ndeshje ku ka shënuar edhe 2 gola.
Ndërkohë Muçolli është grumbulluar më parë nga Edi Reja, ndërsa ka luajtur në ndeshje miqësore me Arabinë Saudite dhe Estoninë, por tashmë ndaj Çekisë dhe Bullgarisë pritet të jetë momenti i tij për të përligjur ftesën e Sylvinhos.
25-vjeçari aktualisht luan me Goteborg, ku në 10 ndeshje ka arritur të shënojë 5 gola. Paraqitje këto që kanë marrë vëmendjen e 49-vjeçarit.
[caption id="attachment_707237" align="alignnone" width="658"]
Arbnor Mucoli/ © Credits instagram.com/arbnormucolli/[/caption]
[caption id="attachment_707238" align="alignnone" width="2560"]
Marvin Cuni/ © Credits instagram.com/marvin.cuni/[/caption]
Lexo gjithashtu
