Kukësi do të luajë të hënën kundër Partizanit, në kuadër të javës së pestë të Superiores. Ky takim do të zhvillohet në stadiumin “Kukës Arena”, ndërsa verilindorët kanë nisur nga puna për këtë supersfidë që do të luhet në orën 15:00.
Me grupin është bashkuar edhe Edi Basa që ka pasur probleme dëmtimi. Tiago Ferreira do të jetë mungesa e vetme për ndeshjen kundër Partizanit, prej kartonit të kuq të marrë kundër Teutës. Përmes një njoftimi në faqen zyrtare klubi verilindor shkruante:
“Ekipi ka vijuar paraditen e sotme me përgatitjet në prag të ndeshjes ndaj Partizanit. Skuadra ka zbritur e plotë ne fushë ku me grupin është bashkuar edhe Edi Basa i cili ka qenë i dëmtuar teksa Tiago Ferreira do të jetë mungesa e vetme ndaj Partizanit për shkak të kartonit ndaj Teutës.
Ekipi do të vijojë me përgatitjet në Tiranë para se të udhëtojë në drejtim të Kukësit për ndeshjen e cila luhet ditën e hënë.
Ashtu si edhe në ndeshjet e mëparshme, ekipi do të grumbullohet në Hotelin @lakesideks në Vërmicë para takimit ndaj Partizanit”.
Lexo gjithashtu
