Victor Osimhen do të qendrojë për një kohë të gjatë jashtë fushave. Sulmuesi i Napolit u dëmtua në ndeshjen e fundit ndaj Interit dhe dje bëri operacion në kockat e mollëzës së majtë pasi kishte shumë fraktura nga përplasja me mbrojtësin e Interit, Milan Skriniar.
Gianpaolo Tartaro, kirurgu që e operoi dje është shprehur për mediat italiane se ky operacion ka qenë një nga më të vështirët që ka bërë, ndërsa koha e rikuperimit për lojtarin prite të jetë më e gjatë se 90 ditë.
"Ishte një nga operacionet më të vështira të karrierës sime. Nuk ishte aq i thjeshtë sa lexuam, nuk ishte thjesht një frakturë por një situatë që përfshinte disa struktura, shumë komplekse. U futën 6 pllaka dhe 18 vida. Tani i gjithë sistemi muskuloz duhet rindezur, perfshirë edhe përtypjen.
90 ditë? Ndoshta do të duhet diçka më shumë. Askush nuk mund të bëjë parashikime te besueshme. Tani fillon loja e tij e vërtetë dhe shumë do të varet nga fiziku i tij”, u shpreh kirurgu Tartaro.
Lexo gjithashtu
