Ditën e premte, në orën 18:00, Skënderbeu do të presë në shtëpi Flamurtarin për të luajtur takimin e javës së 19-të të kampionatit në Superligë. Ndërkohë që korçarët janë të plotë pasi nuk vuajnë asnjë mungesë, vlonjatët shkojnë të "fashuar" në këtë transfertë.
Mungesë e sigurt në kampin vlonjat është ajo e Sidibes që do të mungojë për shkak të kartonit të kuq. Një tjetër shqetësim për trajnerin Shpëtim Duro është frika se mund të ketë dhe mungesa të tjera.
Bëhet fjalë për Alvesh, Ndeljekoviç dhe Usein që kanë shfaqur probleme. Dëmtimet që kanë pësuar në ndeshjet e fundit mund të bëjnë që të tre lojtarët në fjalë të braktisin skuadrën në Korçë.
Nga kontrollet e fundit që janë bërë, si stafi mjekësor ashtu dhe stafi teknik shpresojnë që Alvesh, Ndeljekoviç dhe Usein të jenë të gatshëm për ditën e premte, pasi po bëjnë maksimumin për rikuperimin e tyre.
Lexo gjithashtu
