Idriz Batha është një nga alternativat e luksit për ekipet shqiptare. Mesfushori që mbylli aventurën e tij në Rumani po shqyrton e kujdes ofertat dhe mundësitë e rikthimit në kampionatin shqiptar.
Tirana dhe Partizani ishin dy ekipet e para që u vunë në ndjekje të Bathës menjëherë pasi mësuan lajmin për largimin e tij. Por si bardheblutë ashtu edhe demat u tërhoqën nga gara për shkak të pretendimeve të larta që ka lojtari mbi pagën.
Egnatia dhe Vllaznia janë dy ekipet e tjera që po tentojnë të bindin gjirokastritin, por duket se dhe shkodranët janë “trembur” nga paga e lartë që synon lojtari dhe kanë vendosur të heqin dorë nga shërbimet e tij.
Në këto kushte gjithçka bëhet më e lehtë për Egnatian, e cila ka mundësinë reale të përmbushë kërkesat e lojtari dhe ta transferojë Bathën në Rrogozhinë. Nëse ky operacion realizohet atëherë mesfusha e Egnatias do të bëhej “top.”, pasi pak ditë më parë nga Kryeqyteti në Rrogozhinë kaloi edhe Albano Aleksi.
Lexo gjithashtu
