Klubet elitare në gjithë botën janë në çdo kohë në kërkim të talentëve për t’i blerë dhe më vonë për të fituar nga një shitje e mundshme e tyre. Milani po ndjek këtë politikë edhe në këtë sezon futbollistik teksa së fundmi ka dalë në skenë, Diego Moreira. Anësori ka përfunduar në radarin e kuqezinjve. Siç raporton “Sport Italia”, një ndërmjetës po punon për ta çuar në “San Siro”.
Kampionët e Italisë kanë pasur sukses në afrimin e lojtarëve të rinj si Pierre Kalulu dhe Alexis Saelemaekers. Fillimisht ishin të panjohur, por më vonë fituan simpatinë e tifozëve. Shembuj të tjerë janë Leao dhe Tonali që në dy vitet e fundit kanë njohur progres të jashtëzakonshëm. Tashmë pritet të shihet se çdo ndodhë me Moreiran.
18-vjeçari luan si anësor i majtë dhe është aktivizuar në dy ndeshje me ekipin e parë të Benfikës. Jo vetëm Milan, por edhe disa klube të tjera po e vëzhgojnë për ta pasur në gjirin e tyre. Megjithatë kuqezinjtë duken se janë një hap më parë pasi kanë nisur kontaktet për të blerë kartonin e talentit të klubit portugez, i cili ka kontratë deri në vitin 2024.
Lexo gjithashtu
