Ndarja nga jeta e Raphael Dwamenas ka qenë padyshim një ngjarje e rëndë dhe tronditëse për mbarë opinionin publik dhe futbollin shqiptar. Vdekja e kapitenit të Egnatias në mënyrë të papritur ishte diçka që pikëlloi këdo që e njihte brenda apo jashtë fushe. Por ndeshja përballë Partizanit paska qenë e fundit për të.
Ndërkohë, disa muaj më parë, ganezi në një intervistë për “Top Channel” ka folur mbi detajet e sëmundjes së tij, ose më saktë problemeve të tij në zemër. Asokohe, Dwamena shprehej se kishte Zotin me vete, duke kundërshtuar edhe vendimin e doktorëve.
“U shokova luaja në atë kohë te Zyrih dhe kisha të gjithë mjekët aty. U detyrova të kthehesha në shtëpinë time dhe të bëja disa teste mjekësore. Të gjitha këto janë pjesë e sfidave dhe më është dashur të pajtohem me to. Në fillim më vendosën një pajisje që monitoronte rrahjet e zemrës, bëhet fjalë për një sinjal që të godet dhe të tregon gjendjen e zemrës, ajo ishte gjëja më e rëndë që më ndodhi, por unë nuk jam rrëzuar asnjëherë në fushë apo të humbas ndjenjat. Familja ime është në Gana dhe sigurisht ishte e vështirë për ta kur dëgjonin lajme të ndryshme. Unë kisha kohë që isha nën monitorimin e mjekëve dhe më kishin siguruar.
Më pas më pyetën nëse isha në gjendje të mirë për të luajtur dhe unë thashë ‘Po’. Ndërkohë doktorë nga klube të ndryshme apo institucione të ndryshme shpreheshin shpesh se unë nuk duhet të luaja më. Por unë edhe një herë i thashë, “e respektoj vendimin tuaj por duhet të marr një vendim”. Nuk kam aspak frikë se Zoti është me mua. Kur erdha këtu te Egnatia bëra disa teste mjekësore dhe gjithçka ishte mirë. Unë asnjëherë se lashë futbollin luaja në mënyrë të vazhdueshme.
Ndoshta për njerëzit normal ka shumë gjëra të pamundura por për Zotin s’ka gjëra të pamundura Ai më ka qëndruar pranë gjithmonë dhe unë asnjëherë se kam diskutuar nëse do të luaja apo jo futboll. Zoti ka qenë gjithmonë aty për mua dhe unë kam shumë besim te Ai.”
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
