Ditën e sotme do të zhvillohen edhe 3 takimet e mbetura të javës së 14-të të “Abissnet Superiore”. 6 skuadra do të zbresin në fushën e lojës për të kërkuar edhe 3 pikët që janë shumë të rëndësishme për pozicionimom e tyre në tabelën e klasifikimit.
Gjithçka do të nisë në orën 13:00 ku do të luhen dy takime. Bylisi udhëton në Rrogozhinë për tu përballur me Egnatian, me ballshiotët që kërkojnë të “shkelmojnë” krizën në të cilën ndodhen, ndërsa nga krahu tjetër djemtë e Shpëtim Duros janë skuadra e momentit në kampionatin shqiptarë.
Po në të njëjtën orë do të përballen edhe Kastrioti dhe Vllaznina. Në stadiumin e Kamzës krutanët do të kërkojnë të reagojnë pas rezultateve negative të javëve të fundit, ku Ardian Mema do të kërkojë të debutojë në stolin e krutanëve me 3 pikët. Nga krah tjetër ndodhet Vllaznia e Mirel Josës që pas humbjes me Egnatian kërkon të reagojë për të mos humbur më terren në klasifikim.
Sfida më interesante e kësaj dite është rezervuar të luhet në orën 15:45. Në “Niko Dovana” udhëton Tirana për të sfiduar Teutën e Edi Martinit. Durrsakët duket se kanë rilindur me uljen në stol te teknikut kampion dhe ndaj kampionëve aktual do të kërkojnë vetëm 3 pikët. Bardheblutë nga krahu tjetër, djemtë e detit i kanë si një provë përpara derbit të kryeqytetit që do të luhet më 21 dhjetor.
Sfidat:
Egnatia-Bylisi 13:00
Kastrioti-Vllaznia 13:00
Teuta-Tirana 15:45
Lexo gjithashtu
