Lojtarët me origjinë shqiptare çdo herë e më shumë po marrin vëmendjen e skuadrave të njohura. Thuajse në çdo kampionat ka futbollistë me origjinë shqiptarë që po lënë gjurmë. Në Seria A janë më të shumë, teksa kolonia shqiptare do të vazhdojë të shtohet.
Një tjetër talent do të jetë pjesmarrës në kampionatin italian. Këtë herë bëhet fjalë për Marvin Çuni, i cili është në pronësi të Bayern Munich, por në sezonin e fundit ishte pjesë e Saarbrücken në ligën e tretë gjermane.
21-vjeçari ka dalë nga akademia e Bayern Munich dhe tashmë është gati për një tjetër hap të rëndësdishëm në karrierën e tij, pasi Frosione siguroi këtë sezon ngjitjen në Serie A dhe do të firmosë me Çunin për 3 vitet e ardhshme.
Bayern ka mbajtur 50% të kartonit të tij dhe në rast shitje në të ardhmen, bavarezët do të përfitojnë. Kujtojmë se në ligën e tretë gjermane, sulmuesi shqiptarë ka arritur të shënojë 13 gola dhe ka dhuruar 4 asiste në 35 paraqitje. Gjithashtu 21-vjeçari ka luajtur edhe me kombëtaren U-19 të Shqipërisë.
Lexo gjithashtu
