Laçi ka mposhtur Teutën në javën 3-të të Superiores. Në ndeshjen e zhvilluar në Kurbin, vendasit nuk u kurysen duke fituar me rezultatin e thellë 6-1.
Pas kësaj sfide, për mikrofonat e MCN TV, foli trajneri i durrsakëve, Diego Longo.
“Nuk bëmë asgjë nga ato që kishim bërë gjatë këtyre ditëve, është shumë e pabesueshme edhe për ne. Futbolli është çështje balance, pasi kur nuk ke balancën vuan shumë, ashtu siç dukej, por ndikon dhe mungesa e eksperiencës. Përsa i përket Gjumsit, e provuam si sulmues vetëm 20 minuta. Kishim mungesa për shkaqe temperaturash. Nuk është kjo çështja e humbjes, pasi kjo është një humbje për të gjithë stafin”, tha Longo.
-Mërzitja jote më e madhe pasi mbaroi ndeshja?
“Jam i mërzitur pasi nuk luajtëm fare. Po të luanim dhe të humbnim nuk do të mërzitesha. Por kemi humbur topa që kemi punuar çdo ditë për të, por përsëri nuk i’a dolëm. Jam i mërzitur më shumë me veten time. Po i punojmë gjatë gjithë kohës këto gjëra, por përsëri nuk na dalin gjatë lojës në fushë. Nuk po pasqyrohen në ndeshje këto gjëra.”
-Ndryshimet e shpejta vetëm pas 20 minutash dhe Beqja si qendërmbrojtës?
“Nuk kam tjetër që mund të fusja në lojë përveç Beqjas, dy lojtarë nuk ishin të gatshëm. Allën e futa vetëm për t’i dhënë minuta.”
-Do të jetë një Longo agresiv me ekipin apo një ekip agresiv përballë Skënderbeut?
“Nuk kam pse të bëhem agresiv me ekipin. E përsëris kam përgjegjësitë e mia. Por janë të papranueshme këto gjëra, teksa kundër Skënderbeut duhet të punojmë shumë e më shumë.”
Lexo gjithashtu
