Tirana dhe Partizani po luftojnë “dhëmb për dhëmb” për titullin kampion në këtë sezon. Aktualisht bardheblutë kanë 2 pikë më shumë se demat, teksa kanë mbetur edhe 2 ndeshje drejt fundit.
Duke qenë se djemtë e Orges Shehit janë me 2 pikë më tepër në renditje do të thotë që titulli kammpion është në dorën e tyre. Në kryeqytet kanë nisur llogaritë dhe te Tirana e dinë shumë mirë se çfarë duhet të bëjnë në dy sfidat e radhës për të triumfuar në fund.
Bardheblutë janë të dënuar vetëm për fitore ndaj Bylisit ditën e nesërme dhe ndaj Erzenit ditën e hënë. Pra, 6 pikë. Por nëse ndodh që kampionët në fuqi arrijnë të marrin 1 fitore dhe një barazim dhe nga ana tjetër Partizani merr 2 fitore, atëherë kryeqyteti vishet i kuq.
Në raastin që të dyja skuadrat të përfundojnë kampionatin me pikë të barabarta do të shikohen më pas përballjet direkte mes tyre. Në këto kushte të kuqtë e Giovanni Colellës janë të avantazhuar, pasi ndaj Tiranës kanë fituar 2 sfida dhe kanë barazuar në një tjetër rast. Pra 7 pikë kundrejt 4 të bardhbluve.
Në këtë mënyrë automatikisht Partizani do të rrëmbente trofeun e kampionatit vetëm në javën e fundit. Por theksojmë se gjithçka varet nga Tirana, ku lojtarët bardheblu në dy sfidat e mbetura luajnë gjithçka për gjithçka.
Lexo gjithashtu
