Skëndebreu do të presë në shtëpi Kukësin ditën e diel për të luajtur ndeshjen e vlefshme për javën e 23-të të “Abissnet Superiore”. Ndeshja që do të zhvillohet në stadiumin “Skënderbeu” do të startojë në orën 17:00.
Në këtë sfidë, të dyja ekipet kërkojnë rikthimin te fitorja në kampionat. Kukësi ka plot 12 ndeshje pa fitore në Superiore, ndërsa Skënderbeu pasi fitoi me Tiranën 3-4 në “Air Albania”, u turpërua në Durrës nga Teuta që i mposhti 3-0. Teksa ndaj Kukësit kërkon një 3 pikësh që ta mbajë afër “Final Four”.
Mes këtyre dy skuadrave nuk ka as “favorizim” nga e shkuara, pasi gjithçka është në baraspeshë totale. Në 39 sfida që Skënderbeu dhe Kukësi janë përballur me njëra-tjetrën në Superiore, barazimi është në perfeksion.
Në 14 ndeshje ka fituar Skënderbeu, në 14 të tjera janë verilindorët ata që kanë triumfuar, ndërsa 11 ndeshje kanë përfunduar në barazim. Pra duke mos marrë parasysh të shkuarën, por të tashmen, në Korçë luhet për rikthim te fitorja.
Lexo gjithashtu
