Erzeni – Kukësi nuk do të luhet nesër në orën 15:00 në Niko Dovana, siç ishte programuar nga FSHF, por është shtyrë për të hënën më 17 tetor në të njëjtën orë. Spostimi i ndeshjes vjen pasi në kampin e verilindorëve ka "shpërthyer" një virozë dhe Kukësi i ka bërë kërkesë FSHF-s dhe Erzenit për shtyrjen e ndeshjes me shijakasit që pranuan. Federata Shqiptare e Futbollit pas kërkesës së dy klubeve ka konfirmuar datën e re për ndeshjen.
Erzeni mban vendin e 3 në renditje me 12 pikë pas 7 ndesheve të para, njëjtë me Tiranën e vendit të dytë, ndërsa Kukësi është ngjitur në vendin e 8 me 8 pikë pas nisjes jo të mirë të sezonit. Verilindorët tashmë kanë 4 ndeshje pa humbje dhe pa pësuar gjithashtu dhe ndaj shijakasve do të synojnë fitoren për të ngjitur vendet e renditjes.
Lexo gjithashtu
