Erzeni pret Kukësin në Niko Dovana ditën e shtunë në orën 15:00 për javën e 8 të Kategorisë Superiore. Shijakasit vijnë nga një barazim pa gola me Egnatian ndërsa Kukësi vjen pas fitores 2-0 me Bylis. Dy ekipet po vijojnë përgatitjet për këtë ndeshje teksa Kukësi duhet të bëjë pa sulmuesin Gyasi të dëmtuar.
Sfida do të marrë ngjyra interesante pasi përballë do të gjenden dy vëllezër, Ardit Peposhi i Erzenit dhe vëllai vogël, Ergysi, i Kukësit. Ajo çka e bën më interesante është fakti që pozitat e tyre në lojë bëjnë që të jenë kundërshtarë direkt në fushë pasi Arditi është mbrojtësi i majtë ndërsa Ergysi, sulmues krahu.
Përveç dy vëllezërve, sfida ka edhe disa ish-ë të tjerë. Nga Erzeni janë portieri Dashamir Xhika dhe kapiteni, Gëzim Krasniqi që më parë kanë luajtur për verilindorët ndërsa nga kampi Kuksian është mbrojtësi i djathtë, Dragoshi që ka zhvilluar më parë një sezon me shijakasit.
Lexo gjithashtu
