Kukësi udhëton drejt Laçit ku do të përballet me vendasit për javën e 8 të Abissnet Superiore. Dy ekipet janë në formën më të dobët teksa kanë harruar shijen e fitores. Kukësi ka 3 vite që nuk fiton në fushën e kurbinasve. Trajneri Enkeleid Dobi foli sot para mediave në prag të ndeshjes ndaj Laçit.
"Ndeshja me Laçin? Ndeshjen e nesërme e vlerësojmë si finale. Duke parë kushtet në të cilat jemi, çdo ndeshje është si finale dhe duhet të vlerësohet si e tillë.
Skuadra më e fortë? Deri tani nuk kam parë një skuadër që të bëjë diferencën në Shqipëri dhe të ketë nivel më të lartë. Të gjitha skuadrat janë thuajse të një niveli dhe janë vetëm detajet ato që bëjnë ndryshimin.
Gjendja fizike? Do të shihet në fushë. Normalisht në stërvitje është shumë ndryshe nga ndeshja dhe gjendja e vërtetë e futbollistëve shihet vetëm në fushë gjatë ndeshjes".
Lexo gjithashtu
