Shqipëria do të përballet me Bullgarinë në një ndeshje miqësore që do të zhvillohet në stadiumin “Air Albania” duke filluar nga ora 18:00. Një ndeshje interesante ku, Sylvinho, por dhe trajneri i Bullgarisë do të kenë mundësinë të provojnë lojtarë.
Në prag të kësaj sfide ka folur edhe trajneri serb, i cili udhëheq kombëtaren e Bullgarisë, Mladen Krstaic.
“Ne nuk do të luajmë kundër amatorëve në Tiranë. Jemi ekip i ri që ende po zhvillohet. Shikoni Shqipërinë, është përpara Çekisë dhe Polonisë në renditje”, është shprehur trajneri serb.
“Ndeshja është miqësore, por pas humbjes me Lituaninë unë pres mbështetje morale. Kolegu nga Shqipëria (Sylvinho), pyeti nëse mund të bëjmë 9 zëvendësime në këtë ndeshje, por kjo është ndeshje në rang kombëtaresh, jo ndeshje klubesh”, ka thënë me tej trajneri i Bullgarisë.
Lexo gjithashtu
