Finalja e madhe e Botërorit "Rusi 2018" mes Francës dhe Kroacisë pati dhe momente që nuk ishin parashikuar. Bëhet fjalë për katër "të paftuarit" e grupit "Pussy Riot", të cilët u futën në fushë duke ndërprerë për pak sekonda këtë supersfidë.
Edhe pse kanë kaluar 24 orë nga mbyllja e finales që u fitua nga francezët ende nuk janë zbuluar emrat e katër personave që u futën në fushë. Ata akuzohen për "shkelje të rregullave të sjelljes publike gjatë manifestimeve sportive" si dhe "Përdorim iliegal të uniformave të policisë".
Lidhur me këtë ngjarja policia vendase ka dalë me një komunikatë për shtyp. Në njoftimin zyrtar të policisë theksohet se "të paftuarit" u shtirën sikur ishin policë dhe në këtë mënyrë u futën në fushën e blertë. Sipas legjislacionit vendas, katër personat në fjalë rrezikojnë deri në 15 ditë burg për veprimin e kryer ditën e djeshme.
Lexo gjithashtu
