Vdekja e futbollistit të Egnatias, Raphael Dwamenas, ka bërë që Prokuroria e Durrësit ta regjistrojë si një hetim me akuzën e “shpërdorimit të detyrës”.
Sipas “Tv Klan”, organi i akuzës konfirmoi se verifikimet po kryhen dhe mbetet në pritje të materialeve për veprimet hetimore që po kryhen nga Policia e Durrësit.
Janë sekuestruar shumë shkresa dhe rregullore për të kuptuar nëse ka pasur shkelje të detyrës. Gjithashtu agjentët kanë marrë disa dëshmi, përfshirë këtu edhe mjekët që janë kujdesur për 28-vjeçarin.
Trupi i të ndjerit gjendet ende pranë Institutit të Mjekësisë Ligjore ku po kryhen veprime hetimore. Ndërsa klubi rrogozhinas i Egnatias ka shtyrë ceremominë e homazheve e cila ishte parashikuar për të hënën e 13 nëntorit.
Poll
Lexo gjithashtu
