Partizani mbyll ditën e sotme përbatitjet për ndeshjen e nesërme ndaj Egnatias në Rrogozhinë. Të kuqtë duan vetëm fitoren për të nisur shkëputjen nga rivalët e afërm dhe trajneri Colella po punon më shumë në aspektin fizik. Trajneri Colella foli për mediat në konferencën e shtypit.
Kampionati – “Është një kampionat i ekuilibruar me skuadra janë shumë të organizuara. Kur luajnë me Partizanin japin 100% e tyre për të marrë rezultatin pozitiv.”
Lojtarët e aktivizuar në Kombëtare – “Është një kënaqësi që futbollistët tanë të aktivizohen me Kombëtaren. Nëse na grumbullohen edhe më shumë lojtarë jemi shumë të kënaqur.”
Gjendja e lojtarëve – “Kemi disa probleme të vogla, të cilët janë normale duke parë ndeshjet që kemi zhvilluar.”
Egnatia dhe formula fitores – “Egnatia është një nga skuadrat që më ka pëlqyer më shumë, por nuk kam ndonjë formulë të veçantë për të fituar ndeshjen. Një trajner futbolli e bën punën njësoj si çdo njeri tjetër. Ne përpiqemi që të punojmë me shumë intensitet nga java në javë.”, përfundoi Colella.
Lexo gjithashtu
