Partizani do të luajë të shtunën në transfertë kundër Skënderbeut në kuadër të javës së 14-të të Superiores. Të kuqtë do të shkojnë në këtë takim me dy “armë” më shumë. Bëhet fjalë për Valentino Muratajn dhe Stenio Junior, dy lojtarë që kanë zbritur sot në fushë në urdhrat e trajnerit Ilir Daja.
Si mesfushori i Bylisit, ashtu edhe sulmuesi 29-vjeçar kanë kryer procedurat e nevojshme të regjistrimit e tanimë janë gati për të dhënë maksimumin e tyre në fushë. Pritet me interes të shihet nëse tekniku kryeqytetas do t’u japë minuta në këmbë në këtë sfidë apo fillimisht duhet pritur që ata të njihen me lojën e grupit.
Loading ...
