Tirana po vijon përgatitjet për Conference League në Ohër. Bardheblutë ka zhvilluar edhe miqësoren e parë diten e djeshme ku u aktivizuan edhe blerjet e reja. Deri më tani ata kanë bërë 5 goditje që tashmë janë zyrtare.
Por, siç Newsport.al njoftoi ditë më para, Tirana po shikonte Fjoart Junuzin si zëvëndësuesin ideal për të larguarin Albano Aleksi. Ky i fundit u transferua tek Egnatia duke lënë një boshllëk shumë të madh në mesfushën e bardhebluve.
Prej ditësh ata ishin në tratativa me disa futbollistë dhe në fund kanë zgjedhur Jonuzin. Ky i fundit mësohet se ka gjetur gjuhën e përbashkët me presidentin Refik Halili për të nënshkruar me Tiranën. Tashmë zyrtarizimi i tij pritet të jetë vetëm çështje orësh.
Kujtojmë që 26-vjeçari ishte pjesë e Vllaznisë sezonin aktual. Më parë mesfushori ka luajtur për skuadra si Kukësi që është dhe vendi i origjinës së tij, gjithashtu dhe Laçin. Jonuzi ka luajtur edhe në Kosovë me skuadrën e Gjilanit.
Lexo gjithashtu
