Kastrioti do të presë Kukësin në stadiumin e Kamzës ditën e nesërme në orën 13:00 për javën e 12-të të Kategorisë Superiore. Krutanët vijnë nga 4 pikë në dy ndeshjet e fundit dh do të synojnë të përfitojnë nga momenti i errët i Kukësit me tre humbje rradhazi. Trajneri Emiljano Çela po i jep dorën e fundit përgatitjeve por pezullimi mbrojtësit të majtë, Rami, detyron atë të ndryshojë modul.
Çela do t’i “bashkohet” Dobit me formacionin 3-4-3 me Karakaçin që spostohet prapa dhe Grecën që do të luajë anësorin e majtë. Gjendja e Edon Hasanit do të shihet me kujdes deri ditën e ndeshjes por mesfushori është përmirësuar nga dita ën ditë dhe pritet të jetë i gatshëm. Nga minuta e parë pritet të luaj edhe i riu Marinaj në krahun e djathtë të sulmit.
Formacioni i Mundshëm (3-4-3) – Sali; Stojanovic, Selmani, Karakaçi; Kodra, Onanuga, Hasani, Greca; Marinaj, Morbeck, Zogaj
Trajner: Emiljano Çela
