Carlo Anccelotti ka folur për Botërorin “Qatar 2022” duke treguar se për cilën skuadër bën tifozllëk. Trajneri i njohur italian është shprehur se do të mbështesë Kanadanë duke treguar dhe arsyet e tij. Për mediet e huaja, “timonieri” i Real Madrid ka befasuar duke thënë:
“Në Botëror do të bëj tifo për Kanadanë, ata kanë munguar për disa vite dhe janë shtëpia ime e dytë. Presidenti i Federatës së Kanadës është nga Abruzzo, kështu që unë do të bëj tifo për Kanadanë.
Trajner i Kanadasë? Po, mund të jetë një Kombëtare, por është herët tani. Sigurisht jo për këtë Botëror. Botërori i 2026, ose jo? Mund të ndodh. Nëse është Kanada, pse jo? Më pëlqen kjo, natyrisht. Kanada ia ka dalë shumë mirë”, është shprehur ai.
Carlo Anccelotti është i martuar me Mariann Barrena Mçlay, një ekonomiste nga Kanadaja. Ndoshta kjo është një nga arsyet më të forta se pse italiani mbështet këtë përfaqësuese në “Qatar 2022”.
Lexo gjithashtu
