Francesco Moriero është trajneri i Dinamos në Kategorinë e Parë. Ish-lojtari i Inter, Napoli, Milan dhe Roma I ftuar në emisionin "Procesi Sportiv", ka folur për aventurën e tij në Shqipëri me skuadrën e Dinamos. Moriero ka komentuar gjithashtu edhe jetën në Shqipëri, por edhe për futbollin.
Dinamo? "E kam ndjekur kampionatin shqiptar dhe e njoh historinë e Dinamos. Atë që ka bërë Dinamo ka qenë diçka fantastike dhe nuk e them tani që jam në TV. Më është dashur një javë për të dashuruar atë fanell që drejtoj. Është një gjë e vështirë dhe e kam marrë skuadrën 4 pikë para vendet të dytë dhe vetëm unë mund ta humb mundësinë për të arritur objektivin. Në futboll mund të humbasës pasi futbolli luhet 11 kundër 11, por e rëndësishme është që të japësh zemrën në fushë. E dimë që mbajmë veshur një fanellë të rëndë në futbollin shqiptar dhe duhet të bëjmë gjithmonë maksimumin edhe pse nuk e nisëm mirë fazën e dytë".
"Jam shumë i lumtur këtu dhe kam bërë shumë miq. Kam bërë shumë miq këtu dhe nuk e ndjej mungesën e Italisë. Shqipërisë i vendos notën 10".
Inter? "Unë mendoj që Interi ka skuadrën për të fituar kampionatin. Kam kaluar një periudhë të vështirë pasi doli nga champions dhe Kupa dhe për një skuadër si Interi që krijon skuadër për 3 kompeticione e nesë nuk fitojnë gjë do të jetë një gjysmë faliment. Lukaku-Lautaro janë dy sulmues të fortë që zgjidhin ndeshjen në çdo moment. Interi e dominoi ndeshjen ndaj Milanit dhe kanë një trajner që I pëlqen të luajë shumë teknikisht.
Sipas meje nëse Interi do të kishte pësuar gol në minutat e para të pjesës së dytë, ndeshja do të kishte shkuar ndryshe. Sipas meje, Interi ka potencialin për të fituar titullin. Lukaku është lojtari I madh për futbollin tani, ndërsa Ronaldo Fenomeni është tjetër. Në atë kohë kishte shumë lojtarë dhe zbrisnin në fushë për të zgjidhur ndeshjen.
Aventura me Interin? "Kjo skuadër ishte numri një në botë pasi kishim në skuadër Ronaldon dhe Ivan Zamaronan, Simeonen. Kjo skuadër luante për një futbollist që bën diferencën dhe ai ishte 20-vjeçari, Ronaldo. Interi i Herras ishte fantastik, por po flasim për kohë shumë të ndryshme. Në kohën kur luaja unë fituam Kupën UEFA, ndërsa mund të kishim fituar edhe kampionatin, por për disa arsye bardhezi nuk fituam".
Lexo gjithashtu
