Pas zyrtarizimit ditën e djeshme nga ana e klubit, trajneri i ri i Vllaznisë, Goçe Sedloski ka zhvilluar stërvitjen e parë me skuadrën pasditën e sotme. Tekniku ka filluar kështu zyrtarisht nga puna për përgatitjen e ndeshjes së rradhës së kampionatit ndaj Erzenit, që do të luhet të dielën.
Me titullin kampion që tashmë duket shumë larg, shkodranët janë të fokusuar te kupat e Europës dhe ndaj shijakasve do të jetë një përballje direkte pasi vetëm 1 pikë i ndan në klasifikim.
Sedloski ka pasur një diskutim me skuadrën në fushë, duke vendosur edhe programin stërvitor për në vazhdim. Më pas, trajneri maqedonas e ka vijuar stërvitjen në fushën “Reshit Rusi”, ku i pranishëm ka qenë edhe drejtori sportiv i klubit Vioresin Sinani
Nga ajo çfarë është parë, trajneri i ri i kuqebluve është munduar t’i mbajë të karikuar futbollistët, të cilët po përgatiten për sfidën e së dielës ndaj Erzenit. Po ashtu, në këtë seancë stërvitore, trajneri Sedloski u shoqërua edhe nga ndihmësi i tij Aleksandar Vlahoviç dhe pjesa tjetër e stafit teknik të Vllaznisë.
Lexo gjithashtu
