Pas humbjes 2-1 ndaj Partizanit, trajneri i Tiranës, Mirel Josa deklaroi: “Goli i Malotës pozicion jashtë loje? Me ato gjëra merren gjyqtarët, por ne nuk duhet të humbnim topin dhe të kryenim faull në një pozicion afër zonës, duke ditur se Partizani është i rrezikshëm nga goditjet e dënimit.
Në pjesën e parë luajtëm më mirë, ndërsa me fillimin e pjesës së dytë nuk jam i kënaqur, ndonëse shënuam.
Gabuam në krahun e majtë në momentin e pësimit të golit të dytë ku Moise humbi topin.
Pretendimet për penallti? Po ishte, Trashi e preku me dorë, por këtë e vlerësoi gjyqtari kryesor, Meta dhe më pas edhe gjyqtari anësor, Beqiri, që nuk e di pse nuk e kanë dhënë 11-metërsh.
Gilman Lika dhe Moise u lodhën? Edhe mund të kisha ndërhyrë më shpejt për të futur në lojë Akuan, por u goditëm në momentin e pësimit të golit.
Por, duhen marrë parasysh edhe se çfarë sulmuesish kemi në dispozicion dhe si do t’i përdorim.
Ne nuk luajtëm në presion, sepse e kam të qartë se çfarë lojtarësh kam në dispozicion dhe duhet të përmirësohemi në vazhdim. Humbja në derbi ‘djeg’, por duhet të shohim përpara dhe të përgatitemi për ndeshjen kundër Flamurtarit. Më shqetëson fakti se skuadrat e fundit të renditjes janë afruar me ne me pikë”, tha për Supersport, Mirel Josa.
Loading ...
