Pas barazimit 0-0 kundër Flamurtarit, trajneri i Tiranës, Mirel Josa u shpreh: “Nuk ishte strategji që të qëndronim pas. Ekipi hyri në lojë pak i mefshtë.
Nuk u frikësuam nga Flamurtari. E rritëm lojën, por për sa i përket ofensivës, kaq mundësi kemi.
Tirana nuk hyri në fushë për të marrë një pikë, por për të fituar. Por, kur nuk ke mundësi të shumta, mendon edhe për të mos e humbur ndeshjen, duke ditur kualitetin e Flamurtarit. Në fund, u frikësuam se mos pësonim dhe sfida për fundoi në barazim.
Nuk mund të them se zgjidhja për golin do të vijë nga akademia, sepse i kemi marrë frytet e akademisë, ato çka ajo ofron.
Ky barazim i vleu më shumë Flamurtarit dhe jo Tiranës, sepse ne kërkonim fitoren sot. Kjo duke ditur edhe pozicionin ku jemi ne dhe ku është Flamurtari në renditje.
Unë mendoj se duhet të rritim pak lidershipin e skuadrës. Për sa i përket liderit, në një skuadër duhet të marrin frenat e lojës disa lojtarë me eksperiencë. Nuk mund t’i kërkohet kjo gjë lojtarëve të rinj, por atyre me eksperiencë.
Mungesa e tifozëve? Nuk jemi mësuar me mungesën e tyre, ashtu si edhe tifozët e Tiranës nuk janë mësuar të rrinë jashtë stadiumit kur luan skuadra. Futbollistët duhet t’i japin ngrohtësinë e tyre tifozëve dhe anasjelltas. Kjo është e rëndësishme!”, tha Mirel Josa për “Supersport” në “Gol pas Goli”.