Tirana duket se e ka forcuar mirë mbrojtjen, aq më tepër pas largimit të Albi Dokës që krijoi boshllëk në repartin më të domosdoshëm për bardheblutë para ndeshjes me Dinamo Tbilis.
Filip Najdovski, nuk ka shumë kohë që firmosi me 25 herë kampionët. Vetëm tre ditë më parë u bashkua me stërvitjen e bardhebluve në Pogradec dhe dje, u testua nga trajneri Egbo në fushë, në miqësoren me Pogradecin që përfundoi 3 me 0 në favor të kryeqytetasve.
Najdovski, që mbajti bluzën me numrin 92, ra në sy në pjesën e dytë, sapo hyri në lojë. I qetë, plot me besim në kapjen dhe mbajtjen e topit, I fortë në dyluftime, dhe ra në sy në hedhjet me kokë për shkak të shtatgjatësisë së tij.
27 vjeçari, është vlerësuar maksimalisht nga stafi dhe ka bërë përshtypje në testimin e tij të parë. Vlen të përmendet se në qendër të mbrojtjes, dhe në vijën e fundit përpara portierit, shtatlarti është zgjedhja e duhur e bardhebluve.
Kristian Toshevski, tjetër lojtar që zuri vendin direkt të Albi Dokës ra në sy në miqësoren ndaj Pogradecit për shkak të pasave të sakta nga reparti mbrojtës drejt zonës kundërshtare. Furnizoi me topa të sakta dhe evidentoi shkathtësi në dyluftime.
Mbetet për t'u parë më shumë për Ardit Tolin; ndërkohë që Julian Vrapi, duket se justifikoi besimin te rikthimi me bardheblutë.
Lexo gjithashtu
