Futbolli në Shqipëri është ndalur prej dy muajsh për shkak të gjendjes së pandemisë. Deri më tani edhe pse ka pasur disa shkresa zyrtare në drejtim të Qeverisë nga ana e FSHF-së, nuk ka ende një përgjigje finale.
Ministrja e Arsimit dhe Sportit, Besa Shahini ka deklaruar për "ABC News" se përgjigja për rikthimin e futbollit do të merret më 11 maj, kjo për arsye se bëhen dy javë nga lehtësimi i masave që është data 27 prill.
“Unë do të doja të rifillonte futbolli, por duhet të kemi durim. Më 11 maj bëhen dy javë nga hapja e 27 prillit. Ky 2-javësh do të tregojë nëse janë rritur numrat për të parë se si do të veprohet. Në varësi të numrave do të vendoset nëse sporti do të lejohet të fillojë. Pas kësaj do i japim përgjigje kësaj pyetjeje”, tha ministrja Shahini.
Lexo gjithashtu
