Rafael Leao po kalon momentet më të mira në fushë, por jo jashtë saj. Sulmuesi i Milanit ka kontratë deri në vitin 2024 me kuqezinjtë, të cilët duan të rinovojnë me te. Siç raporton “Gazzetta dello Sport”, dje ka pasur një takim mes drejtuesve të Milanit dhe përfaqësuesit ligjor të lojtarit.
Edhe pse situata duket e tensionuar, dëshira e lojtarit është të qëndrojë në Milano. Dje, kuqezinjtë nuk kanë bërë asnjë ofertë. Megjithatë ata janë të gatshëm ta bëjnë lojtarin më të paguarin në skuadër.
Por marrëveshja s’është e thjeshtë. Leao duhet t’i paguajë Sportingut 19.5 milionë euro për lirimin e tij, që duhet ta ndajë me Lille si taksë formimi. Negociatat vijojnë me përfaqësuesin ligjor që ka vënë në “pjatë” dy opsione.
Fillimisht një rinovim prej 7 milionë eurosh në sezon për lojtarin dhe pagesa e Lille të kryhet nga Milani ose një kontratë që kap vlerat e 10-12 milionë eurove në sezon, ku futbollisti ta zgjidhë vetë ngërçin me klubin francez.
Lexo gjithashtu
