Prej disa kohës Superliga shqiptare ka shfaqur interes për të bërë merkato në Maqedoni. Skuadrat shqiptare kanë mundur të bëjnë pazar të mirë, duke afruar futbollistë cilësore me pak para. E njëjta gjë ka ndodhur edhe këtë vit.
Afrimet nga maqedonia në Superiore qenë të shumta, por nga se vjen e gjitha kjo? Problem kryesor mbetet fakti se konkurenca në kampionatin maqedonas nuk është në nivelin e duhur dhe diferenca mes skuadra lidhur me kushtet janë të frikshme. Kjo gjë çon në lindjen e pakënaqësive të futbollistët të cilët më pas vendosin të transferohen në Shqipëri apo dhe kampionate të tjera.
Përveç dy-tre vendeve të para, ku bëjnë pjesë Shkëndija e Tetovës, Vardari i Shkupit dhe Rabotniçki, pjesa tjetër e skuadrave përballen me probleme të mëdha, kryesisht financiare. Rroga ta ulëta dhe mungesë likuiditeti në kohë. Kjo situatë e krijuar është shfrytëzuar nga disa skuadra të Superligës shqiptare, të cilat thuajse çdo merkato kthejnë sytë nga Maqedonia për të afruar në ekip lojtarë mjaft cilësore dhe mbi të gjitha me pak para, duke bërë në këtë mënyrë pazar të mirë. / Newsport.al/
Lexo gjithashtu
