Nëse ka një trofe për skuadrën me merkaton më të bujshme, atë e meriton plotësisht Kukësi.
Skudra verilindore ka treguar haptazi se kush janë synimet e tij këtë sezon dhe një fakt të tillë e tregon edhe merkato e këtij janari. Afrimet e Eduard Rrocës, Olsi Teqja dhe Vasil Shkutaj janë vetëm pak nga zhvillimet e fundit në kampin kukësian, pasi firma me Valdet Ramën është padyshim "qershia mbi tortë".
Mesfushori i kombëtares shqiptare zgjodhi pikërisht Kukësin për të rinisur karrierën dhe për të luajtur të paktën një herë në kampionatin shqiptar. Edhe pse prej një viti jashtë fushave (ishte pa kontratë), eksperienca e tij në futbollin europian dhe jo vetëm do e ndihmojë Armando Cungun që të nxjerrë maksimumin prej të tijëve dhe Kukësi të arrijë titullin e kërkuar prej vitesh.
Gjithsesi, këtu nuk mund të mohojmë cilësitë e Faton Xhemajli apo Maurice Gomis që pritet të shtojnë konkurencën në organikën e Cungut.
Lexo gjithashtu
