Trajneri i Vllaznisë, Migen Memelli, dha një prononcim për mediat pas miqësores me Dinamon në ‘Loro Boriçi’ të përfunduar në barazim pa gola. Tekniku i kuqebluve u shpreh i kënaqur me skuadrën ndërsa foli edhe për ndeshjen hapëse ndaj Kukësit si dhe objektivave të klubit këtë sezon.
“Nuk kemi shumë informacione për Kukësin. Është një skuadër që i ka dhënë tonin ndër vite futbollit shqiptar, por tani është në një pozitë tranzicioni që nuk i vjen mirë askujt. Janë me lojtarë të rinj, e energjik që duan të bëjnë punën e tyre. Edhe ne do të kërkojmë të bëjmë punën tonë e të fitojmë tre pikët, ne e kemi pjesë të mentalitetit për të marrë maksiumin”.
Nderkohe sa i takon objektivave te klubit, Memelli eshte shprehur: ““Ne do të ecim me një mentalitet i cili do të jetë gradual, i cili do të jetë ndeshja e radhës dhe mos të mendojmë se çdo të ndodhë në fund, ne e dimë objektivin e klubit që është katërshja e parë, por unë si trajner do kërkoj maksiumin në çdo ndeshje, pasi ndodh që lojtarët ndeshje pas ndeshje ndonjëherë humbasin përqëndrimin unë dua të marr maksiumin në çdo ndeshje të radhës”.
Lexo gjithashtu
