Nuk mund të kalonte pa u vënë në qendër të mediave më të mëdha botërore skualifkimi i Shqipërisë nga kampionati Europian. Prestigjozja "La Gazzetta dello Sport" në një shkrim të sajin kushtuar Italisë dhe trajnerit italian të Shqipërisë flet për takimet e ditës së djeshme, për elimimin e kuqezinjve dhe për humbjen e Italisë, ku bën një lidhje mes tyre.
“De Biassi po mësonte se si të shkruante emrin e heroit, Balazs Dzsudzsak, por Cristiano Ronaldo u zgjua me dy golat e tij duke thyer ëndrrën e trajnerit dhe të gjithë popullit shqiptar që gjithsesi, do të vinte pas fitores së Irlandës ndaj Italisë. Mungesa e fitores së Hungarisë ndaj Portugalisë, kishte vulosur lamtumirën e shqiponjave nga Europiani”, janë këto fjalët kryesore të shkrimit të gazetës italiane. Ndërsa nuk lënë pa përmendur edhe skualifikimin e Turqisë së bashku me Shqipërinë si dy ekipet më të dobëta të vendeve të treta. Mandej flet edhe për golin e Sadikut, që ishte si "një pikë uji në oqean" për të mbajtur gjallë shpresat e kuqezinjve për të ecur në fazën e 1/8-ave.
Lexo gjithashtu
