Sokol Cikalleshi ishte i ftuar në një lidhje drejtpërdrejtë me emision “Analizë Kuqezi” nga moderatori Sokol Xhihani në Supersport dhe foli për temën kryesorë sefundmi, trajnerin e ri të Kombëtares.
“Pashë konferencën e trajnerit të ri dhe atë të Edy Rejas. E falenderoj publikisht Rejan pasi kam pasur balanc pozitiv edhe me gola. Me hapin e ri, trajneri i ri, është ide ndryshe pas shkollës italian për shumë vite. Për Sylvinhon kam pyetur një trajner që e kam këtu i cili e ka pasur te Corinthias. Më tregoi se është trajner tip Guardiola, tiki taka, i pëlqen topi.
Ne kemi nevojë për trajner me energji. Kombëtarja ka nevojë për shpirtin luftarak dhe harmoni. Me këtë trajner energjik është risi për ne dhe t’ja lëmë kohës. Nuk kemi përmushur objektivat dhe si në cdo kombëtare ai që e pëson është trajneri pasi lojtarët vështirë të ndërrohen dhe përgjegjësinë e merr trajneri. Të shikojmë si do të përhtatet me ne.
Më pëlqen që ma kanë përshkruar energjik, do ndezi zjarrin e lojtarëve. Për ne është kryesore si kombëtare e vogël që jemi. Pastaj është edhe cilësia e lojtarëve që është rritur. Të gjithë lojtarët që nuk luajnë me ekipet e tyre, kur vijnë në kombëtare është ndjesi tjetër. Fanella të jep motivim shtesë, të dërgon në limite. Jap shembull me Roshin që nuk luante por kur vinte ishte më i miri. Për ndeshje specifike nuk është problem pasi të jep motivim.”- tha sulmuesi.
Lexo gjithashtu
