Trajneri i Kombëtares shqiptare, Sylvinho, ka folur në konferencën zyrtare për shtyp përpara ndeshjes me Poloninë, e cila do të luhet nesër në orën 20:45 në ‘Air Albania’. Një sfidë që vlen më shumë se 3 pikë, dy skuadrat luajnë fatet e kualifikimit në Euro 2024, me Shqipërinë që edhe me një barazim ruan pozitën e dytë në renditje.
Tekniku brazilian, në fjalën e tij para gazetarëve u shpreh kështu:
Në ndeshje vendimtare nuk ia kemi dalë thuajse asnjëherë, çfarë do të jetë ndryshe nesër?
Në 90 minuta mund të ndodhi gjithçka por nesër nuk do të ketë dicka ndryshe pasi i përgatisim të gjitha njësoj. Kur erdha thashë që dua një skuadër që jep zemrën në fushë. Kemi punuar duke monitoruar shumë lojtarë dhe nesër me Poloninë është e njëjta situatë. Unë pres që skuadra të ketë sjelljen e duhur, një stadium plot. Me mbështetjen e popullit shqiptar, mund të bëjmë diçka të madhe.
Ndryshimi i Çekisë dhe Polonisë?
Ne hymë në fushë për të bërë një ndeshje të mirë. Lojtarët përgatitem për fitore por përballë kemi një kundërshtar që ka objektivat e veta. E rëndësishme është të mos humbasim. Polonia është ndryshe nga Çekia. Ne i dimë mirë limitet tona, por ajo që nuk ndryshohet është zemra dhe shpirti i garës. Polonia është ekip i fortë me lojtarë të mirë dhe trajner me eksperiencë. Jemi në mes të rrugës dhe kemi 4 finale. Më vjen mirë që lojtarët e mi janë shumë të fortë dhe të gatshëm për të përballuar një sfidë si kjo me Poloninë.
Çekia fitoi në Poloni pa probleme, në Pragë nuk ndodhi e njëjta gjë. Do të thotë gjë apo kapriço e futbollit. A do të jetë Muçi në fushë duke qenë se luan me Legian?
Ky do të jetë një grup i vështirë dhe ja ku jemi në gjysmë të rrugës. Ka shuëm punë për të bërë, ndodhen rezutlate që nuk priteshin. Askush nuk bën dhurata. Muçi është i talentuar, i fortë. Me Ishujt Faroe e zgjidhi ndeshjen, ai është një 'StarBoy'. Megjithatë ne kemi edhe një si Bajrami që luan pak a shumë në të njëjtin pozicion dhe është në formë të shkëlqyer. Do të ketë mundësi për Muçin. Ne jemi 24 lojtarë që japin gjithçka në ndeshje. Kushdo që hyn në fushë mund të bëjë diçka, të shënojë dhe të na bëjë të ëndërrojmë. Ata e kanë kuptuar dhe duhet pak durim për të ardhur momenti i tyre.
Do sulmojmë apo do të presim?
Do të ketë momente që do të bëjmë presion, por edhe kur do të tërhiqemi prapa. Ndeshje që do të ketë gjithçka. Kemi aptur 3 ditë kohë, dhe janë pak, por do të shohim një ndeshje taktike dhe fizike. Ne kemi lojtarë të mirë teknikisht që mund të bëjnë diferëncën. Ne duhet të futemi në fushë me zemër e shpirt, por sigurisht na duhet ndihma e tifozëve.
Polonia nuk është në më të mirën e saj, por kanë Leëandoëskin. A do të ketë trajtim special për të?
Ai është një lojtar me histori të madhe dhe e respektojmë por Polonia ka lojtarë të tjerë shumë të mirë. Ne do t’i trajtojmë të gjithë me shumë fokus. Ata kanë Zielinskin e të tjerë. Polonia duhet të jetë e qartë që kanë përballë lojtarë po të mirë që do të jenë të rrezikshëm nesër.
Mendimi juaj për përzgjedhjen e Santos për lojtarët polak dhe anët e forta e të dobëta të kundërshtarëve?
Dihet që Polonia ka një ekip të mirë dhe trajner me eksperiencë. Skuadër me histori të madhe. Pikat e dobëta nuk mund t’i them.
Lexo gjithashtu
