William Cordiero Melo ka qenë padyshim pika referuese e Partizanit në këtë sezon futbollistik. I vetmi lojtar që s’ka pasur luhatje në formën e tij mund të largohet nga të kuqtë. Vetë lojtari e ka pranuar edhe më parë që s’e ka vendosur ende nëse do të qëndrojë ose jo, duke iu përgjigjur tifozëve në rrjetet sociale.
I afruar në merkaton e verës, duke e “rrëmbyer” nga Kukësi, 26 vjeçari ka qenë titullar i padiskutueshëm te kampionët. Megjithatë e ardhmja s’është plotësisht në dorën e tij.
Ai ka firmosur me Partizanin deri në fund të këtij sezoni me opsion rinovimi edhe për një edicion tjetër, ku janë drejtuesit ata që do të vendosin nëse do të qëndrojë ose jo. Por, kushti është që paga e tij të rritet për edicionin e ri. Pritet të shihet se çdo të vendoset mes palëve në muajt e ardhshëm.
Lexo gjithashtu
