Enea Jorgji padyshim është një nga arbitrat më të mirë të dekadës së fundit në kampionatin shqiptar. Elbasanasi është i vetmi që përfaqëson Shqipërinë në arenën europiane në Kategorinë e Parë të arbitrave të UEFA-s.
Së fundmi, ai ishte gjyqtar kryesor në ndeshjen Erzeni – Bylis. Ndërsa sot ka udhëtuar drejt Kuvajtit së bashku me një ekip gjyqtarësh nga Mali i Zi. Newsport.al ka mësuar se arbitri i njohur do të jetë në VAR, në një nga ndeshjet e kampionatit kuvajtian.
Kujtojmë që pas deklaratës së fortë të tij për mediet, për ndeshjen Kukësi – Skënderbeu, të luajtur disa vite më parë, Jorgji thuajse u “harrua” nga Sektori i Gjykimit pranë Federatës Shqiptare të Futbollit. Megjithatë cilësitë e tij janë të domosdoshme për kampionatin shqiptar dhe tanimë është rikthyer sërish në fushë duke vënë drejtësi.
Lexo gjithashtu
