Mbrojtësi i Skënderbeut “”SKANON” sezonin: Presim dhurata nga kundërshtarët, kapja e Europës do shmangte dështimin

Skënderbeu po kalon një nga momentet më të vështira të dekatës së fundit. Vendi i 5-të dy javë përpara fundit dhe rreziku për të mos u kualifikuar në Kupat e Europës në sezonin e ardhshëm do cilësohej si dështim për korçarët. Një gjë të tillë e pohon edhe mbrojtësi i talentuar, Bruno Lulaj, i cili sheh larg, teksa “kërcënon” Luftëtarin se do i marri 3 pikët.

“Morëm një fitore shumë të rëndësishme për Europën. E bëmë ndaj një kundërshtari me vlera. Të gjitha janë mësuar me një Skënderbe që lufton për tituj. Nëse nuk kapin Europën, atëherë do të jetë një dështim. Shikojmë ekipin tonë dhe mendojmë të fitojmë me Luftëtarin. Nuk na intereson çfarë bëjnë kundërshtarët e tjerë, por presim dhurata”, është shprehur Lulaj mes të tjerash për RTSH Sport.