Sonte në mbrëmje pritet të zhvillohet një mbledhje në kampin korçar, kjo për shkak të ndeshjes që Skënderbeu luan nesër me Kukësin në kampionat. Në rast se korçarët arrijnë të marrin një fitore, matematikisht shpallen kampionë të këtij sezonit, në të kundërt festa do shtyhet.
Pikërisht për t'iu dhënë zemër dhe për t'iu dhënë leksionin e fundit, presidenti i klubit, Ardjan Takaj ka vendosur të zhvillojë një mbledhje në mbrëmje, ku do thotë disa fjala para përballjes me kampionët aktualë.
Kujtojmë, që drejtuesit e klubit korçar do 'zbarkojnë' sot në Korçë për shkak se ditët e fundit janë marrë me çështjen e seancës dëgjimore në Apelin e UEFA-s, lidhur me trukimet e ndeshjeve sikurse pretendohet nga UEFA dhe pezullimin me 10 vjet nga kompeticionet europiane dhe gjobë 1 milionë euro për Skënderbeun.
Lexo gjithashtu
