Vllaznia pas një dite pushim është rikthyer në stërvite për të vazhduar përgatitjet për takimin e radhës ndaj Egnatias. Festa për fitoren në Klasike ka përfunduar dhe lojtarët kanë zbritur në fushë për të menduar për rrogozhinasit.
Me anë të një postimi në rrjetet sociale, Vllaznia ka kërkuar nga lojtarët që pavarësisht entuziazmit pas fitoren në “Loro Boriçi” kërkohet që të qëndrojnë me “këmbë në tokë”.
“Pas një dite pushimi, ekipi i Vllaznisë i është rikthyer sot sërish procesit stërvitor duke nisur në këtë mënyrë edhe përgatitjet për ndeshjen e rradhës për kampionat, atë që do të luajnë ditën e dielë në transfertë ndaj Egnatias. Në rradhët e futbollistëve vërehet entuziasëm për të vijuar serinë e fitoreve, por stafi teknik u ka kërkuar të vijojnë punën e të qëndrojnë me këmbë në tokë...”, ka shkruar klubi kuqeblu.
Lexo gjithashtu
